ಪಿಸುಮಾತು

ಕಣ್ಣಂಚಲಿ ನೀ ‌ಅಂದು ಆಡಿದ ಆ ಪಿಸುಮಾತು
ಮೌನದ ಅಲೆಯ ಮೇಲೆ ತೇಲಿ ಬಂದ ಪಿಸುಮಾತು
ಮನದಾಳದಿ ಹುದುಗಿರುವ ನೂರೆಂಟು ಭಾವಗಳ
ಬಿಚ್ಚಿಡುವ ಹವಣಿಕೆಯ ಹೊಚ್ಚ ಹೊಸ ತನವು
ಸುಳಿಯಂಚಿನ ಹಿಂದಿರುವ ಕಣ್ಣಂಚಿನ ತುದಿಗಿರುವ
ಆ ನಿನ್ನ ಪಿಸುಮಾತು

ಹೃದಯ ಗಭ೯ದಲಿ ಅಡಗಿರುವ ಆಸೆ ಆಕಾಂಕ್ಷೆಗಳನೆಲ್ಲ
ಬೇರೊಂದು ಹೃದಯಕೆ ರವಾನಿಸುವ ಅಚ್ಚ ಅಪರೂಪದ ಮಾತು,
ಆ ನಿನ್ನ ಪಿಸುಮಾತು

ಮರೆಯಲಾಗದ ಮಾತು ಆ ನಿನ್ನ ಪಿಸುಮಾತು
ಮೌನದಲಿ ಅಡಗಿಹುದು ನೂರೆಂಟು ಅಥ೯
ಆದರೇನು ಮಾಡುವುದು ಅದನು ಅರಿಯುವುದೇ ಕಷ್ಟ
ಹಾಲ್ಗಡಲ ಅಡಿಯಲ್ಲಿ ಅಡಗಿ ಕುಳಿತಂತೆ
ಕಣ್ಣಂಚಲಿ ನೀ ಅಂದು ಆಡಿದ ಆ ಪಿಸುಮಾತು

ಎಷ್ಟು ಹಿತ ಆ ನಿನ್ನ ಮಾತು ಎಷ್ಟು ಮಿತ
ಆ ನಿನ್ನ ಮಾತು ಮಾತೆಂದರೆ ಮುತ್ತು ಮಾಣಿಕ್ಯ
ಕಣ್ಣಂಚಿನಲೇ ನೀ ಹೇಳಿದೆ ಸತ್ಯ